Жазушы Елен Әлімжанның 80 жылдығына арналған әдеби-сазды кеш өтті.

📌Әдебиет – ұлттың рухани тірегі, ал қаламгер – оның шырақшысы. Осы орайда «Әулиеата – кітап оқитын өңір» жобасы аясында Ә.Бөкейханов атындағы №1 гимназияда белгілі жазушы, драматург Елен Әлімжанның 80 жылдық мерейтойына арналған әдеби-сазды кездесу кеші өтті.
🔹Кездесу кешін Ш.Уәлиханов атындағы Жамбыл облыстық әмбебап-ғылыми кітапханасы аталған мектеп ұжымымен бірлесіп ұйымдастырды.
▫️Келелі кездесуде филология ғылымдарының кандидаты, профессор -Исматова Сейсекүл Молдабекқызы, «Ақ жол» газетінің бас редакторының орынбасары, жазушы -Фариза Әбдікерімова, облыс әкімдігінің мәдениет және тілдерді дамыту басқармасының баспасөз хатшысы - Абылай Ғалия Архатқызы, «Анаға тағзым» орталығының «Сырғалым» клубының жетекшісі, әнші - Балауса Бисенова қонақ болды.
🔹Кеш шымылдығы жазушының шығармаларынан үзінді оқумен түріліп, оның өмір жолы мен әдеби мұрасына шолу жасалды. Қатысушылар қаламгердің драматургиядағы, проза мен публицистикадағы өзіндік қолтаңбасына ерекше тоқталды. Оқушылар жазушының «Алтын жүлге жыры» романынан әсерлі үзінділер оқып, өздерінің толғаныстарымен бөлісті. Сонымен қатар, қаламгерге сұрақтар қойылып, шығармашылық жолының қыр-сыры талқыланды.
▫️Кеш барысында қонақтар жазушының шығармашылығы жайлы жылы лебіздерін білдіріп, әдебиеттің жастарға берер тағылымы туралы ой өрбітті. Ш.Уәлиханов атындағы Жамбыл облыстық әмбебап-ғылыми кітапханасының мамандары оқушыларға жазушының шығармашылығына негізделген көрмені таныстырды. Әдеби-сазды кеш оқушылардың қаламгерге арнаған жыр шумақтарымен және Балауса Бейсенқызының орындауындағы «Бозорамал» әнімен түйінделді.
Бұл кеш жас ұрпақтың көркем әдебиетке деген сүйіспеншілігін арттырып, шығармашылық шабыт сыйлаған тағылымды шара болды. Елен Әлімжан шығармашылығы – қазақ әдебиетінің алтын қазынасы, ал оны тану – өскелең ұрпақтың рухани кемелденуіне бастар жол!