Ученица 9 «г» класса Ташметова Ситора и ученица 9 «д» класса  Сугургали Айару приняли участие в дебатном турнире «Ұшқыр ой алаңы». Целю Турнира является формирование казахстанского патриотизма и гражданственности подрастающего поколения; воспитание у школьников чувства ответственности, причастности к обсуждению и решению проблем родного края и страны; развитие, популяризация и поддержка школьного дебатного движения в республике. В городском турнире фракция «Феникс» заняла 2 место и получила возможность принять участие в областном дебатном турнире.

Қоғамда сыбайлас жемқорлыққа қарсы мәдениетті қалыптастырудың басты іргетасы – отбасы. Азаматтық қоғамды құрудың қозғаушы күші болып табылатын отбасылық қарым қатынастар арқылы қоғамда адал еңбекке, сыйластыққа, парасаттылыққа қол жеткізуге болады. 

         Отбасы – сыйластық, жарастық орнаған орта, кішкентай Отан. «Отан – отбасынан басталады» дегендей отанды сүю - отбасынан басталатыны рас! Себебі, отбасы – бала тәрбиесінің ең алғашқы ұжымы. Оның ер жетіп өсуі, бойындағы алғашқы адамгершілік белгілері отбасында қалыптасады, сондықтан да туған үйдің жылуы – оның көкірегінде көп жылдар бойы сақталып, мәңгі есінде жүреді.    

         Отбасы – табиғат сыйлаған кереметтердің бірі. Жеке адамның бойындағы ар – ұятын, ақыл-ойын, адамгершілігін, мәдениеттілігін тәрбиелеуге отбасы – алғашқы қадам. 

          Қазақ отбасында әуелі әке, содан кейін ана, бұлар – жанұя мектебінің ұстаздары болады. Әке мен ананың баласына қоятын ең біріші басты талап – тілектері – баланың «әдепті» болып өсуі. Қазақ халқы отбасындағы тәрбиені ең бірінші орынға қойған. Ата – ана балаларына қандай тәрбие берсе, ертең ол бала өскенде сол тәрбие арқылы өмірдің жаңа баспалдақтарынан өтеді.

        Отбасы құндылықтарын насихаттау, отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, озат-ойлы,  қайырымды, парасатты оқушыны анықтау мақсатында  ұйымдастырылған «ПАРАСАТТЫ ОТБАСЫ» байқауының қалалық кезеңі өз мәресіне жетті. 

         Аталмыш байқауға гимназиямыздың атынан 1 «Б» сыныбының оқушысы Керімбек Нұрисламның отбасы «ЕСЕЕВТЕР ОТБАСЫ» қатысып, «парасатты отбасы» номинациясының иегері атанып, облыстық кезеңге жолдама алды.

         Есеевтер отбасын гимназия ұжымы мен білім алушылары атынан шын жүректен құттықтап, облыстық кезеңде сәттілік тілектейміз!!!

Отбасы — әр бала үшін алтын бесік. Бала отбасы аясында түлеп өседі, оңы мен солын сонда таниды. Ол отбасы жағдайында өмірдегі әр түрлі жағдайларда өзін қалай ұстауды, адамгершілік әліппесі: кішіпейіл болу, ізеттілік, сыйластық, үлкендермен және кішілермен қандай қарым — қатынаста болу керек сияқты тәжірибе жинақтайды және оны меңгереді. Отбасы – ол ең жақын адамдардың ошағы. Әрқашан отбасы мүшелерін сыйлап, құрметтеу керек.

Байқау нәтижесі: 

І орын – 5 «А» сынып оқушысы Ғазизжанұлы Бекмұхамед

І орын – 5 «Ә» сынып оқушысы Даулет Алияр

ІІ орын – 5 «Б» сынып оқушысы Бағдат Медина

ІІ орын – 5 «Ғ» сынып оқушысы Сәуірәлі Меруерт

ІІІ орын – 5 «Б» сынып оқушысы Меркібай Дарын

ІІІ орын – 5 «Б» сынып оқушысы Жақып Маржан

Отбасы-бақыт мекені

         Менің отбасым - өмірдегі ең маңызды,ең жоғары бағаланатын,ең ғажап әлем деп білемін. Мен  бақытты, жылылық мекенінде өмір сүрудемін. Қасымда қорған болар әкешім, әлемдегі ең мейірімді жан – анашым бар. Кез келген уақытта қысылмай көмек сұрай алатын, мен дегенде жаны бөлек бауырларым бар.

             Таңертең анам бетімнен сүйіп оятады. Кейде туған үйімнің жылуы анашымның ыстық құшағында шығар деп ойлаймын. Ал әкем – үйіміздің тірегі. Мен үшін әкемнің орны ерекше. Менің сапалы білім алуым үшін,  аянбай еңбек етіп жүрген жан. Жұмыстан келгесін менімен бірге балаша  ойнап, кейде сабағыма да көмектеседі. Үнемі бар білгенін айтып, ақылын-кеңесін аяған емес.  

             Ағаларым ер жетіп Нұрсұлтан қаласында тұрады. Бірақ қай мереке болмасын үйде осы-бақыт мекенінде қарсы алады . Менің екі ағам және алтын әпкем ,жанашырым бар.   Бәріміз бір дастархан басында жиналып, шұрқырап әңгімелескенде, ерекше бір тәтті сезімге бөленемін. Ең қымбат сәттер екенін жан жүрегіммен сезінемін. Бұл күндері уақытымызды бірге қызықты етіп өткізуге тырысамыз, неше түрлі ойындар ойнап, анамның дәмді-дәмді тамақтарын жейміз. Жалпы анамның ыстық тамағының иісі үйіміздің берекесін, молшылығын білдіретін негізгі белгі деп білемін.

            Әке-шешем әрдайым бізді жақсылыққа, білімді болуға, адалдық пен мейірбандылыққа, жанашырлыққа тәрбиелеп қана қоймай, өздері да үлгі бола біледі. Ес білгелі ата-анам жайында өзгелерден жаман сөз естімедім. Олардың біреуге арамдық жасап, біреумен ұрсысып жатқанын не болмаса басқалар туралы жаман сөз сөйлегенін естімедім.

             Мен осындай бақытты,ғажап әлемде өмір сүргеніме мақтанамын. Мен де өз кезегімде, жақсы адам болуға тырысып келемін. Ата-анамның үмітін ақтау –менің  өмірдегі ең үлкен арманым.

5 «А» сынып оқушысы

Ғазизжанұлы Бекмұхамед

Отбасы – бақыт мекені

       Отбасы — сыйластық, жарастық орнаған орта, кішкентай Отан. «Отан – отбасынан басталады» дегендей отанды сүю — отбасынан басталатыны рас!

Себебі, отбасы – бала тәрбиесінің ең алғашқы ұжымы. Адамның жеке басының қалыптасуы отбасынан басталады. Оның ер жетіп өсуі, бойындағы алғашқы адамгершілік белгілер отбасында қалыптасады, сондықтан да туған үйдің жылуы – оның көкірегінде көп жылдар бойы сақталып, мәңгі есінде жүреді.

       Отбасы – табиғат сыйлаған кереметтердің бірі. Жеке адамның бойындағы ар-ұятын, ақыл-ойын, адамгершілігін, мәдениеттілігін тәрбиелеуде отбасы – алғашқы қадам. Отбасы – өте қажетті, басқадай еш нәрсемен өзгертуге болмайтын баспалдақ.

       Отбасында адам бойындағы асыл қасиеттер жарқырай көрініп, қалыптасады. Отанға деген ыстық сезім – жақындарына, туған-туысқандарына деген сүйіспеншіліктен басталады. Сол себепті де мен  отбасын «бақыттың мекені» деп санаймын.

5 «Ә» сынып оқушысы

Даулет Алияр

Тілді өркендету - баршаның ісі. Тіл - тек қарым – қатынас құралы емес, ұлтымыздың биік тұғыры. Бұл ретте біздің мемлекетіміздің тілге деген жанашырлығы басым. 10-15 наурыз аралығында Республикалық «Ұлы қазақ тілі» атты 1-11 сынып оқушыларына арналған пәндік олимпиада өтті. Олимпиада нәтижесінде, 1 «В» сынып оқушысы Сальникова Марина мен 2 «В» сынып оқушысы Исақ Айару І орын алып, гимназиямыздың абыройын асқақтатты.

Қазақ тілі – бай тіл, оралымды, ырғақты теңеу-бейнелеулері ерте туған тіл. Поэзияда Абай, Ілияс, прозада Мұхтар сияқты алыптар туғызған тіл. Осындай тілімізді таза ұстайық! Ана тіліңді қадірлеу – мемлекетіңді, ұлтыңды, өзіңді қадірлеу. Қазақстан егемендігін баянды етіп, оны әлемдегі озық елдердің қатарына қосу үшін мемлекеттік тілдің жетекші рөл атқаратындығын әсте естен шығармайық.

Ұлы ақынның 175 жылдық мерейтойына арналған Республикалық «Абай-дана, Абай-дара қазақта!» атты мектеп оқушылары арасында өткен мәнерлеп оқу байқауына гимназиямыздың 2-сынып оқушылары Гуляев Богдан мен Юсупова Милана, 4-сынып оқушылары Райс Айзере, Несіпбаева Жансель, Мекемтас Бексұлтан, Хамдиева Зейнаб,  5-сынып оқушылары Назарова Эльзара мен Халилова Эльзара, 6-сынып оқушылары Асылбай Айзия мен Кәрім Нұртас, барлығы 10 оқушы қатысып, І орын иеленді.

Кеңдік. Биіктік. Тереңдік. Осынау бір-бірінен ажырамас үш ұғым арқылы Абай жырындағы, Абай сөзіндегі ұлылықты ұғып, ұрпаққа ашып айтамын, не биікке шығамын, не тереңге бойлаймын деген адамның өзі жоғары шықса, басы айналары, төмен түссе, тұншығары анық. Өйткені, Абай рухы аспандай асқақ, қара жердей қасиетті, ақын ойы қазақтың кең байтақ даласындай барлық құпия сырын ішке түйіп жатыр. Абайдың бір өзі – тұтас әлем және көрінгенге ашыла бермейтін, қалтарысы көп жұмбақ әлем, зерттелмеген мұхит, игерілмеген ғарыш. Абай мұрасы  келешекке де мәңгі-бақи сәулесін шашып, жолымызды нұрландырып тұратын баға жетпес асыл гауһар іспеттес. Ұлы тұлғаның ғибраты мол шығармаларын көзіміздің қарашығындай сақтайық!

Өскелең ұрпақтың санасында Қазақстан тарихындағы тұлғалардың тарихтағы рөлін айқындау, таныту, өмірі мен қоғам, ғылым, білім, мәдениет салаларына қосқан үлестерін насихаттау, еңбектерін зерттеу, батырлар туралы тың деректерді ұсыну мақсатында өткізілген байқауда оқушылар «Атлас шайқасынан Алтын Орда мемлекетінің құрылу тарихы сыр шертеді, Әбу Насыр Әл-Фараби-өркениет философы, «Ұлы Отан соғысындағы Жеңісті жақындатқан батырлар» тақырыптары аясында ізденіс жұмыстарының негізінде тарихи шығармаларын ұсынды. Облыс бойынша байқауға 90 оқушы қатысты. 

         Байқау нәтижесінде гимназиямыздың 8 сынып оқушысы Кенешбекова Аяулым ІІ орын иеленді. Гимназиямыздың абыройын асқақтатар шәкірттеріміз жыл сайын көбейе берсін!!!

Свои работы участники финальной конференции «Созвездие» защищали в 13 основных номинациях: «Наш дом – Земля», «Флора и фауна», «Сохраним Землю», «Город, в котором я живу», «Энергия и человек», «Физическая лаборатория», «Космическая лаборатория», «Астрономия», «Космонавтика», «Человек и космос», «Программирование», «Информационные технологии», «Презентация» и дополнительном конкурсе изобразительного искусства. 

Жамбылскую область представляли учащиеся 10 класса гимназии №»1 имени А.Бокейханова Кочер Илья и Исмаилов Фаёзбек в номинациях «Энергия и человек» и «Наш дом – Земля». Ребята достойно защитили свои проекты и каждый получил серебро! Молодцы!