Қыз-болашақ ана

Мектеп жасындағы қыз балалар тәрбиесін негізінен үш кезеңге бөлуге болады. Бастауыш сыныптар кезеңіндегі тәрбиенің мақсаты - тазалыққа, ұқыптылыққа, жинақылыққа үйрете отырып, баланың көп білуге құштарлығын арттыру, кітап оқу мәдениетін дамыту. 5-8 сыныптар арасында алғашқы кезеңдегі тәрбие түрлері ары қарай дамытыла түседі. Бұл тұста, жас ерекшелігіне қарай, қыз бала анасынан ешнәрсе бүкпейді. Сол шыншылдығы мен ашықтығын пайдаланып, қыз баланың келешегіне ең керекті нәзіктік, ілтипаттылық, үлкенді сыйлау, кішіге қамқор болу - басты борыш.Үшінші кезең 9-11 сыныптарды қамтиды. Бұл аралықтағы тәрбие алдыңғы кезеңдермен тығыз байланысты.Сондықтан әрбір қыз балаға ата - анасын, туыстарын, ұстазын сыйлап, қадірлей білуді үйретсе, болашақта одан елін, жерін, халқын сүйетін, өз шаңырағын ардақтайтын, балаларын жанындай жақсы көретін қамқор ана, қайратты жан, нәзік ару шығары сөзсіз.

Гимназиямызда 20 январьда 8-10 сыныптарда оқитын барлық қыз балалармен «Қыз Жібек» клубының жетекшісі, педагог-психолог Бақытжамал Бақытжанқызы Әлмұратова кезектен тыс отырысын өткізді. Сонымен қатар,отырысқа Тараз қаласы прокуратурасының бөлім прокуроры Ким Светлана Валерьевна, педагог-психолог Сахиева Светлана Владимировнаның қатысуымен қыз тәрбиесінің өзектілігі жан-жақты талқыланды.Тек өз ұлтын, тілін сүйіп, қастерлейтін адам ғана ата - ананы, үлкенді сыйлау, кішіге қамқорлық, мейірбандық, инабаттылық сияқты ізгі қасиеттердің иесі бола алады.