«ҚАЗАҚ ТАРИХЫНДАҒЫ ҰЛЫ ТҰЛҒАЛАР»
2020 жылдың 26 март-3 сәуір аралығында Жамбыл облысы әкімдігі білім басқармасының ұйымдастыруымен 7-9 сынып оқушылары арасында қашықтықтан өткізілген «Қазақ тарихындағы Ұлы тұлғалар» атты облыстық сырттай байқаудың жеңімпаздары анықталды.
Өскелең ұрпақтың санасында Қазақстан тарихындағы тұлғалардың тарихтағы рөлін айқындау, таныту, өмірі мен қоғам, ғылым, білім, мәдениет салаларына қосқан үлестерін насихаттау, еңбектерін зерттеу, батырлар туралы тың деректерді ұсыну мақсатында өткізілген байқауда оқушылар «Атлас шайқасынан Алтын Орда мемлекетінің құрылу тарихы сыр шертеді, Әбу Насыр Әл-Фараби-өркениет философы, «Ұлы Отан соғысындағы Жеңісті жақындатқан батырлар» тақырыптары аясында ізденіс жұмыстарының негізінде тарихи шығармаларын ұсынды. Облыс бойынша байқауға 90 оқушы қатысты.
Байқау нәтижесінде гимназиямыздың 8 сынып оқушысы Кенешбекова Аяулым ІІ орын иеленді. Гимназиямыздың абыройын асқақтатар шәкірттеріміз жыл сайын көбейе берсін!!!
