11 ҚАЗАН – ХАЛЫҚАРАЛЫҚ ҚЫЗДАР КҮНІ

11 октябрь – Халықаралық қыздар күніне орай, 1 гимназиямызда  4-9 октябрь аралығында «Қыз бала – қоғам шырайы» атты апталық өткізілді.  Апталық барысында «Қыз өссе, елдің көркі» тақырыбында сынып сағаттары қашықтықтан өткізілді.  «Мектеп әуені» радиосы арқылы қыз бала тәрбиесіне қатысты қоғамға белгілі әйел азаматтардың ақыл-кеңестері мен ақындардың жыр шумақтары оқылды. «Қыз Жібек» қыздар клубының жетекшісі  Б.Әлмұратова мен гимназия медбикесі  А.Сагинова бірлесе отырып, «Салауаттық –   салтымыз» тақырыбында қыздармен кездесу өткізді. «Тапқыр» дебат клубының жетекшісі  Ә.Қыздарбеков  9-сынып оқушылары арасында "Қыз баланың қоғамдағы рөлі қандай?" тақырыбында  пікірсайыс  ұйымдастырды. 

Қазақ халқы  –   қыз баланы тіршіліктің тірегі, әлемдегі ізгіліктің алтын діңгегі жарық дүниедегі әдемілік пен сұлулықтың тәңірісі деп бағалаған. Тәрбиелі, білімді қыз - қоғамымыздың баға жетпес байлығы.

6 «Б» сынып оқушысы

Сабырбек Әсел