Таза Қазақстан

«Таза Қазақстан» акциясы аясында Түлектердің ағаш егу іс-шарасы
Таза және жасыл орта қалыптастыру – біздің әрқайсымыздың міндетіміз. Осы мақсатта гимназияның 11 сынып түлектері «Таза Қазақстан» акциясына белсене қатысты. Олар мектеп алаңында туя ағаштарын отырғызып, қоршаған ортаны қорғауға өз үлестерін қосты.
Бұл іс-шара жастардың экологияға деген жауапкершілігін арттырып, табиғатты сақтап, келер ұрпаққа аманат етіп қалдыруға үлкен серпін береді. Осылайша, түлектеріміз өздерінің азаматтық белсенділіктерін көрсетіп, мектеп өміріндегі маңызды қадамдардың бірі ретінде экологиялық іс-шараларға қатысуда.
Барлық түлектерімізге алғысымызды білдіреміз! Болашақта сіздер осы ізгі ісіңізді жалғастырып, экологияға деген қамқорлықтарыңызды арттыра түсіңіздер!