Мағжан оқулары

Мамыр айында гимназиямыздың 9 «А» сынып оқушысы Мият Әнел қалалық және облыстық деңгейдегі үлкен жетістікке қол жеткізді. Ол 7–11 сынып оқушылары арасындағы республикалық «Мағжан оқулары» ғылыми-шығармашылық байқауының қалалық кезеңінде І дәрежелі дипломға, облыстық кезеңінде ІІІ дәрежелі дипломға ие болды.
Мағжанның сыршыл поэзиясы мен терең ойлы мұрасын бойына сіңіріп, көркем сөзге деген құштарлығын дәлелдеген Әнел – ізденіс пен табандылықтың үлгісі. Бұл жеңіс – тек жеке жетістік емес, сонымен қатар өскелең ұрпақтың рухани дүниесіне сәуле шашқан үлкен қадам.
Жүрекпен оқылған өлең ғана жүрекке жетеді. Ал мұндай жетістіктер – жас қаламгерлерге шабыт пен сенім сыйлайды.