«Көне Тараз» тарихи -этномәдени кешеніне жасалған экскурсия

Гимназия білім алушылары мен ата-аналары, гимназия ұстаздары  4 қаңтарда Тараз қаласындағы «Көне Тараз»  тарихи -этномәдени кешеніне  экскурсия жасады. Экскурсия барысында «Тарихи-өлкетану музейін, «Руханият және тарихтану» орталығын, «Қолөнершілер шеберханасын», «Көркемсурет галереясын», «Ретро-фестиваль» амфитеатрын, «Сағат» стелласын, «Арбат-2»   нысандарын тамашалады. Бұрын-соңды қаламызда жоқ кешен көздің жауын алады. Әрі бұл - тек сыртқы дизайнымен ғана емес, тәрбиелік-танымдық  жағынан да құнды дүние. 

       Кешеннің бой көтерілуі туралы бейнекөрсетілімді тамашалап, алған  әсерлерімен бөлісті. «Облыстық тарихи-өлкетану музейіндегі» жәдігерлер балалардың да, ата-аналардың да қызығушылығын тудырды. Мыңжылдықтардың куәсі киелі өлкенің руханиятын оятып, рухын асқақтатқан, мерейін өсіріп, мазмұнын арттырған «Көне Тараз»  тарихи -этномәдени кешені өскелең ұрпақтың мақтанышы болары сөзсіз.