Ұлы жеңіске 77жыл!
9 мамыр – Жеңіс күні. Жеңіс Ұлы Отан соғысы ардагерлерінің қаһармандық ерлігімен, жерлестеріміздің қанымен, табан ет, маңдай терімен келді.
Міне, осы алаулаған Жеңіске, бүгінде, 77 жыл толып отыр. Әр сыныпта Ұлы Жеңіске арналған «Теңдесі жоқ, тарихи жеңіс» атты бірыңғай тәрбие сағаттары өткізілді. Бастауыш сынып оқушылары шығармашылық қабілеттерін шыңдап, өз жұмыстарында өртке оранған, соғыстағы қан майданды бейнеледі.
Ғасырдан ғасырға өтіп, тарих шежіресіне талай ерлік пен қаһармандардың үлгілері жазылар. Бірақ, солардың ішінде Ұлы Отан соғысында ерлік көрсеткен азаматтарымыздың өшпес өнегесі мәңгі жарқырай береді. Соғыста ерлікпен қаза тапқан азаматтарымыздың қаһармандық рухы ұрпақтар есінде мәңгі сақталады.
Атадан мирас болып қалған осынау байтақ Отанымызды - бабаларымыз ғасырлар бойы ақ білектің күшімен, ақ найзаның ұшымен қорғап, көзінің қарашығындай сақтап, бүгінгі ұрпаққа жеткізді. Ендеше, сол қастерлі аманатты сақтау – біздің асыл парызымыз!
6 «Б» сынып оқушысы
Мейрам Аяна