Бастауыш сынып мұғалімдерінің әдістемелік бірлестігінің пәндік апталығы

 

 

      ^{Ғасырдан аса тарихы бар алтын ұямызда қаншама білікті ұстаздар жұмыс жасап, гимназияның тірегі болып келеді. Осындай ұлағатты ұстаздардың білім-біліктілігі 3 мен 14 қазан аралығында өткен апталық барысында шыңдала түсті. Апталығымыз концерттік бағдарламамен басталып, кәсіби ұжым әр алуан іс-шаралар ұйымдастырып, өткізген ашық сабақтары мен сыныптан тыс жұмыстарын таразылады. Дарынды жастарға сапалы білім, саналы тәрбие беріп келе жатқан қара шаңырақтың білім кеңістігіндегі игі бастамалары мен өткізген сабақтары жоғары бағаланды. Оқушыларымыз ашық сабақтарға белсене қатысып, үзіліс уақытында берілген сөзжұмбақтар мен ребустарды шешіп, жан-жақты ізденуде болды.
   Сан түрлі көрмелер өткізіліп апталығымыздың көркін көркейте түсті. Апталыққа сәйкес байқаулар ұйымдастырылып, байқаудың ережесіне сәйкес түрлі кезеңдерден сүрінбей өткен оқушыларға І, ІІ, ІІІ дәрежелі дипломдар беріліп, марапатталды. Жоғарғы санатты мұғалімдердің сабақтарына жас буын қатысып, тәжірибелерін толықтырды. Апталықтың соңғы күнінде Асел Оралхановна өз сыныбымен ертегі әлеміне саяхаттатып, концерттік бағдарламамен жоғарғы деңгейде апталығымыз жабылды.
     «Маған жақсы мұғалім бәрінен де қымбат, өйткені мұғалім – мектептің жүрегі»,- деп Ыбырай Алтынсарин айтқандай білікті де білімді ұстаздары бар, саналы да салихалы жастары бар гимназия талай ғасыр куәсі боларына  сенімім мол.}

                                                                                                

                         

                                                                                                       Бастауыш сынып мұғалімі: Орал Ә.Б.