7-Мамыр

Құрметті ер әріптестеріміз, ұстаздар!
7 Мамыр – Отан қорғаушылар күнімен құттықтаймын! Бұл мереке ерліктің, табандылықтың, абырой мен адалдықтың символы. Сіздер білім майданында да, өмір жолында да нағыз ер азаматқа тән қайсарлық пен жауапкершілікті арқалап жүрген тұлғасыздар. Оқушыларымызға біліміңізбен ғана емес, өнегелі мінезіңізбен де үлгі болып келесіздер.
Сіздердің шәкірттерге беріп жатқан рухани тәлімдеріңіз – ерлікке бастайтын жол. Әрбір баланың жүрегінде Отанға деген сүйіспеншілікті, намыс пен арды, батылдықты қалыптастырып, ертеңгі ел қорғаны болуға тәрбиелеп келесіздер. Бұл – тек ұстаздық емес, нағыз ер азаматқа тән асқақ борыш.
Осы күні сіздерге қайсарлық пен өрліктің үлгісі болып, ұрпаққа жол көрсетіп келе жатқандарыңыз үшін ерекше алғыс айтқым келеді. Мықты денсаулық, отбасыларыңызға амандық, жұмыстарыңызға тек табыстар тілеймін. Қашанда абыройларыңыз асқақ, беделдеріңіз биік, жігерлеріңіз мұқалмас болсын! Ел алдындағы ерең еңбегіңізді әрдайым мақтан тұтамыз!
Ізгі ықыласпен, Асем Нұрғалиқызы!