«АТА-АНАНЫ ҚАДІРЛЕУ - ПАРЫЗ» рухани кездесу

  Ә.Бөкейханов атындағы №1 гимназияда «Дәстүр мен ғұрып» жобасы мен «Журналистика» үйірмесінің ұйымдастыруымен «Ата-ананы қадірлеу - парыз» тақырыбында рухани кездесу өтті. Кездесуге 10-11 сынып оқушылары қатысты. Оқушылардың бойында ата-анаға деген ерекше жылы сезім қалыптастыру, ата-ананың бала өміріндегі ролін түсіндіру, ата-ананы құрметтей, сыйлай білуге тәрбиелеу мақсат етіліп, төмендегі міндеттер көзделді:

    Қазақ отбасындағы ата-ананың орны мен рөлін түсіндіру;

    Қазақ әдебиетіндегі кейіпкерлер арқылы қазақ дүниетанымындағы ата-ана образдарын дәріптеу;

    Қазіргі қоғамдағы бала тәрбиесінің ерекшеліктерін айқындау.

Шараны журналистика үйірмесінің жетекшісі Төленді Н.Ә. жүргізді.

Кезедесу қонағы ретінде М.Х.Дулати атындағы Тараз Өңірлік университетің аға оқытушысы, ф.ғ.к., доцент Әбдір Күлзия Әмірәліқызы келді. Оқушылармен рухани-тірбиелік әңгіме жүргізе отырып, жас жеткіншектердің ата-ана тақырыбындағы әр түрлі сұрақтарына жауап берді.

Кездесу соңында Күлзия Әмірәліқызы белсенді қатысқан оқушыларға сыйлық ретінде әдеби кітаптарын табыстады. «Асыл мұра» үйірмесінің мүшелері кездесу қонағына оқушылардың өз қолдарымен дайындаған туындысын сыйға тартты.