ӘКЕ – ОТБАСЫНЫҢ ТІРЕГІ!!!

Әке – отбасының асқар тауы, қорғаны, ұрпағына сара жол сілтер шамшырағы. Оның әрбір ісі – бала үшін өнеге, әрбір сөзі – өмірлік сабақ.
Қалалық білім бөлімі мен Ә.Бөкейханов атындағы №1 гимназия әкімшілігінің ұйымдастыруымен өткен «ӘКЕ ЖОЛЫ – ІЗГІ ЖОЛ» қалалық әкелер форумы – осы асыл мұратты дәріптеуге арналды.
Бұл шараның басты мақсаты – әкелер институтын дамыту, отбасылық құндылықтарды насихаттау және өскелең ұрпақты тәрбиелеу ісіндегі әкенің рөлін арттыру. Форумға Тараз қаласының жалпы білім беру мекемелеріндегі әкелер кеңесінің төрағалары (78 әке) мен мектеп директорларының құқықтық ісі жөніндегі орынбасарлары (28 ер азамат) қатысты.
Форум спикерлері мен қонақтары:
✅ Мыңбаев Сәрсенбай Бердалыұлы – Жамбыл облысы ардагерлер кеңесі жанынан құрылған әкелер кеңесінің төрағасы.
✅ Қуанышев Еркін Тілешұлы – ҚР Адам құқықтары жөніндегі уәкілдің Жамбыл облысы бойынша өкілі.
✅ Әлмұратов Бақыт Темірханұлы – әлеуметтанушы, М.Х.Дулати атындағы Тараз университетінің аға оқытушысы.
✅ Тотаев Сейтхан Төреханұлы – Тараз қаласы әкелер кеңесінің төрағасы.
✅ Бағжанов Дәурен Орайұлы – "Сенімен болашақ" РЕСПУБЛИКАЛЫҚ ҚОҒАМДЫҚ БІРЛЕСТІГІ Жамбыл облыстық филиалының басшысы.
Форум барысында әкенің бала тәрбиесіндегі рөлі, отбасындағы әке беделін нығайту және ұлттық тәрбие құндылықтарын жаңғырту мәселелері кеңінен талқыланды. Сонымен қатар, «Бала тәрбиесі – басты құндылық!» атты сахналық қойылым көрсетіліп, қатысушыларға ой салды.
Әке – ұрпақтың шамшырағы, тәрбие берер тірегі!