Кәсіпке_қадам – келешекке сенім

2025 жылдың 22 сәуірінде гимназиямызда маңызды кездесу өтті. Жамбыл инновациялық жоғары колледжінің кәсіби бағыт-бағдар беруші мамандары 9-сынып оқушыларымен жүздесіп, болашақ мамандық таңдау жайында мазмұнды әңгіме өрбітті.
Кездесу барысында оқушылар колледжде оқытылатын түрлі мамандықтармен танысып, әр саланың артықшылықтары мен еңбек нарығындағы өзектілігі жөнінде құнды ақпарат алды. Ашық сұхбат түрінде өрбіген диалогта оқушылар көкейлеріндегі сауалдарға жауап алып, кәсіби болашағына қатысты ойларын нақтылай түсті.
Осындай кездесулер жас жеткіншектердің өз қабілеті мен қызығушылығына сай дұрыс таңдау жасауына жол ашады.